اسلام آباد۔19جنوری (اے پی پی):وزیر خارجہ جلیل عباس جیلانی نے پاکستان کی جانب سے ایران کے ساتھ باہمی اعتماد اور تعاون کی بنیاد پر تمام مسائل پر کام کرنے کے لیے آمادگی کا اظہار کیا ہے۔
ترجمان دفتر خارجہ کے مطابق وزیر خارجہ نےجمعہ کو ایران کے وزیر خارجہ امیرعبداللہیان سے بات کی اور پاکستان کی ایران کے ساتھ باہمی اعتماد اور تعاون کی بنیاد پر تمام مسائل پر کام کرنے کے لیے آمادگی کا اظہار کیا۔ انہوں نے سکیورٹی سے متعلق معاملات پر قریبی تعاون کی ضرورت پر زور دیا۔