اسلام آباد۔20جنوری (اے پی پی):چین کے نائب وزیر خارجہ سن وی ڈونگ سی پیک جوائنٹ ورکنگ گروپ برائے بین الاقوامی تعاون و رابطہ کے چوتھے اجلاس میں شرکت کے لئے ہفتہ کو اسلام آباد پہنچ گئے۔
دفتر خارجہ کی جانب سے جاری بیان میں کہا گیا ہے کہ یہ ملاقات (کل )اتوار کو ہوگی۔ سیکرٹری خارجہ محمد سائرس سجاد قاضی چین کے نائب وزیر خارجہ کے ساتھ اجلاس کی مشترکہ صدارت کریں گے۔ دورے کے دوران سن وی ڈونگ کی ملک کی اعلی قیادت سے بھی ملاقات متوقع ہے۔