اسلام آباد، پنجاب ، خیبر پختونخوا اور بالائی سندھ کے میدانی علاقےشدید دھندکی لپیٹ میں رہیں گے ، محکمہ موسمیات

اسلام آباد۔22جنوری (اے پی پی):آئندہ چندروز کے دوران اسلام آباد، پنجاب ، خیبر پختونخوا اور بالائی سندھ کے میدانی علاقےشدید دھندکی لپیٹ میں رہیں گے ، شہریوں کو محتاط رہنے کی ہدایت کی گئی ہے، شدید دھند کے باعث پنجاب کے بیشتر علاقوں میں دن کے درجہ حرارت معمول سے کم رہیں گے۔ محکمہ موسمیات کے مطابق (آج)منگل کے روز ملک کے بیشتر علاقوں میں موسم شدید سرد رہے گا۔

اسلام آباد، پنجاب ، خیبر پختونخوا اور بالائی سندھ کے میدانی علا قوں میں شدیددھند/سموگ چھائے رہے گی، شدید دھند سے متاثرہ علاقوں میں موسم شدید سرد رہے گا۔گذشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ شمالی علاقوں میں شدید سرد رہا تاہم کراچی میں بعض مقا مات پر بارش ہوئی۔

اسلام آباد، خطہ پوٹھوہار ،پنجاب ، بالائی سندھ اورخیبر پختونخوا کے میدانی علاقے شدید دھند /سمو گ کی لپیٹ میں رہے۔ اس دوران ملک میں کم سے کم درجہ حرارت لہہ منفی 12 ، اسکردومنفی11، کالام منفی 7،گلگت، استور منفی 6 ،گوپس ، سری نگرمنفی 5،قلات منفی 4،چترال، ہنزہ، راوالاکوٹ، کوئٹہ اورمیرکھانی میں منفی 3 ڈگری سینٹی گریڈ ریکارڈ کیا گیا۔