اسلام آباد۔22جنوری (اے پی پی):برطانیہ میں پاکستان کے ہائی کمشنر محمد فیصل اور پاکستان کے لئے برطانیہ کے تجارتی مندوب جیمز ڈیلی کے درمیان ملاقات ہوئی جس میں تجارت اور کاروباری روابط بالخصوص برطانیہ کو پاکستانی سٹرس اور ماہی گیری مصنوعات کی برآمدات کو مزید فروغ دینے کے طریقوں پر تبادلہ خیال کیا گیا۔ سماجی رابطے کے پلیٹ فارم ایکس پر ایک پوسٹ کے مطابق ڈاکٹر فیصل نےجیمز ڈیلی کی جانب سے جلد پاکستان میں کاروباری وفد کی قیادت کرنے کے منصوبہ کا خیر مقدم کیا۔