اسلام آباد/جدہ۔22جنوری (اے پی پی):اسلامی تعاون تنظیم (او آئی سی) میں پاکستان کے مستقل مندوب سید فواد شیر نے جدہ میں ڈائریکٹر انٹرنیشنل ریلیشنز اسلامک چیمبر آف کامرس اینڈ ڈویلپمنٹ عالیہ جعفر سے ملاقات کی۔
او آئی سی میں پاکستان کے مستقل مندوب کی جانب سے پیر کو سماجی رابطے کے پلیٹ فارم ایکس پر ایک پوسٹ کے مطابق دونوں رہنماؤں نے باہمی دلچسپی کے امور پر تبادلہ خیال کیا اور او آئی سی کے ممالک کے درمیان تجارت اور سرمایہ کاری کے فروغ میں نجی شعبے کے کردار کو بڑھانے پر اتفاق کیا۔