اسلام آباد۔13فروری (اے پی پی):چین میں پاکستان کے سابق سفیر مسعود خالد نے چینی قوم کو چین کے نئے سال کی مبا رکباد دیتے ہوئے کہا ہے کہ یہ سال قمری کیلنڈر میں ڈریگن کا سال ہے ۔
منگل کو چینی میڈ یا کے مطا بق انہوں نے چینی دوستوں کو دلی مبارکباد پیش کرتے ہوئے خوشیوں اور کامیابیوں کی خواہش کا اظہار کیا۔ پچھلے چند دنوں میں کئی ممالک کے رہنمائوں اور معزز شخصیات نے چینی عوام کو نئے سال کی مبارکباد دی ہے۔واضح رہے کہ چینی نئے سال کو عام طور پر سپرنگ فیسٹیول کہا جاتا ہے نئے سال کے آغاز کو منانے کے لیے سالانہ 15 روزہ تہوار ہے۔ اس سال چینی نئے سال کا جشن 12 فروری کو شروع ہوا ہے جو 26 فروری تک جاری رہے گا۔