پاکستان کی حکومت نے پیٹرولیم مصنوعات کی قیمتوں میں بڑا اضافہ کر دیا ہے۔پیر اور منگل کی درمیانی شب وزارت خزانہ کی جانب سے جاری کردہ نوٹیفیکیشن کے مطابق پیٹرول کی فی لیٹر قیمت میں 9 روپے 99 پیسے جبکہ ڈیزل کی فی لیٹر قیمت میں 6 روپے 18 پیسے اضافہ کر دیا گیا ہے۔نئی قیمتوں کا اطلاق 16 جولائی سے ہو گا۔حالیہ کے اضافے کے بعد پیٹرول کی نئی قیمت فی لیٹر 275 روپے 60 پیسے جبکہ ہائی سپیڈ ڈیزل کی قیمت 283 روپے 63 پیسے فی لیٹر ہو گئی ہے۔
اس سے قبل 30 جون کو حکومت نے پیٹرول کی قیمت میں سات روپے 45 پیسے فی لیٹر اور ہائی سپیڈ ڈیزل کی قیمت میں نو روپے 56 پیسے فی لیٹر اضافہ کیا تھا۔