مودی ایکس پر زیادہ فالورز رکھنے والے دوسرے سیاستدان بن گئے

image

نئی دہلی: بھارتی وزیر اعظم نریندر مودی سوشل میڈیا پلیٹ فارم ایکس پر 100 ملین فالوورز رکھنے والے پہلے وزیراعظم اور دنیا کے دوسرے سیاستدان بن گئے ہیں۔

سوشل میڈیا کی مائیکربلاگنگ ویب سائٹ ایکس پر بھارتی وزیر اعظم نریندر مودی کی جانب سے ایک پوسٹ شیئر کی گئی جس میں انہوں نے لکھا ایکس پر 100 ملین فالوورز۔

بھارتی وزیر اعظم نے اپنی پوسٹ میں لکھا کہ سوشل میڈیا کے اس متحرک میڈیم پر لوگوں کے ساتھ بات چیت، بحث ومباحثہ اور تعمیری تنقید پر خوشی محسوس ہوتی ہے۔مستقبل میں بھی اس پلیٹ فارم سے لوگوں کے ساتھ روابط قائم کرنے کے لیے منتظر ہوں۔

موجودہ لیڈرز کی فہرست میں بھارتی وزیر اعظم دنیا میں سب سے زیادہ فالو کیے جانے والے پہلے حکمران ہیں۔ ان کے بعد امریکی صدر جو بائیڈن کا نمبر آتا ہے جو 38.1 ملین فالوورز کے ساتھ اس پلیٹ فارم پر موجود ہیں۔

یہ بھی پڑھیں: بنگلہ دیشی وزیراعظم کے چپڑاسی کے اکاؤنٹ سے 400 کروڑ برآمد ہونے کا انکشاف

رپورٹ کے مطابق ایکس کے بانی اور ٹیسلا کے مالک ایلون مسک اس پلیٹ فارم پر سب سے زیادہ فالو کیے جانے والی شخصیت ہیں۔ جن کی فالوورز کی تعداد 189.7 ملین ہے۔ اس فہرست میں سابق امریکی صدر باراک اوباما 131.7 ملین کے ساتھ دوسرے نمبر پر ہیں۔

عالمی شہرت یافتہ فٹبالر کرسٹیانو رونالڈو 112.1 ملین کے ساتھ تیسرے اور بین الاقوامی شہرت یافتہ کینیڈین گلوکار جسٹن بیبر 110.5 ملین کے ساتھ چوتھے نمبر پر ہیں۔

واضح رہے کہ بھارت دنیا کا سب سے زیادہ آبادی والا ملک ہے جس کی آبادی 1.4 ارب سے زیادہ ہے۔


News Source   News Source Text

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

Follow US