افغانستان کے صوبے ننگرہار میں موسلادھار بارشوں اور سیلاب کے نتیجے میں 62 افراد جاں بحق اور سینکڑوں زخمی ہو گئے۔
افغان حکام کا کہنا ہے کہ بارش سے 400 کچے مکانات تباہ اور بجلی کی فراہمی معطل ہو گئی۔ مختلف حادثات میں 350 سے زائد زخمی بھی ہوئے۔
چار دن ملک بھر میں تیز بارشیں، 17 اضلاع کے بارے انتظامیہ کو ریڈ الرٹ کر دیا گیا
ننگرہار کے شعبہ ثقافت و اطلاعات کے ڈائریکٹر قریشی بدلون نے بتایا کہ زخمیوں کو اسپتالوں میں داخل کروا دیا گیا ہے، انہوں نے ہلاکتوں میں اضافے کا خدشہ ظاہر کیا ہے۔
بچوں کے حقوق کی تنظیم سیو دی چلڈرن نے دعویٰ کیا ہے کہ ننگر ہار میں سیلاب کے بعد 1500 سے زائد بچے لاپتہ ہو گئے یا خوف کے باعث خود گھر چھوڑ گئے۔
اسکردو میں سیلاب سے درجنوں مکانات تباہ ، سینکڑوں افراد بے گھر
یاد رہے کہ مئی میں افغانستان کے شمالی صوبوں بالخصوص بغلان میں سیلاب کے باعث ہلاکتوں کی تعداد 400 سے تجاوز کر گئی تھی۔