بنگلہ دیش کے صدر محمد شہاب الدین نے عبوری انتظامیہ کی تشکیل کے لیے پارلیمنٹ کو تحلیل کر دیا ہے۔
اس سے قبل بنگلا دیشی سابقہ وزیر اعظم شیخ حسینہ واجد کے استعفے اور ملک سے فرار ہونے کے بعد طلبا تحریک نے فوجی قیادت یا حمایت والی حکومت قبول کرنے سے انکار کرتے ہوئے پارلیمنٹ دوپہر 3 بجے تک تحلیل کرنے کا الٹی میٹم دیا تھا۔
بنگلہ دیشی فوج کا ملک بھر سے کرفیو ختم کرنے کا اعلان ، تعلیمی ادارے کھل گئے
غیر ملکی میڈیا رپورٹس کے مطابق کوٹہ سسٹم کے خلاف احتجاجی مہم چلانے والے طلبا کی قیادت کرنے والے ناہد اسلام نے ویڈیو پیغام جاری کرتے ہوئے صدر کو الٹی میٹم دیا تھا۔
میڈیا رپورٹس کے مطابق ویڈیو پیغام میں انہوں نے کہا تھا کہ اگر آج دوپہر 3 بجے تک پارلیمنٹ تحلیل نہ کی گئی تو کل بدھ سے سخت اقدامات کئے جائیں گے۔