ملک کے مختلف حصوں میں مون سون بارشوں کا سلسلہ جاری ہے، کئی علاقوں میں نشیبی علاقے زیرآب آ گئے۔
راولپنڈی اور اسلام آباد میں مسلسل موسلادھار بارش سے نالہ لئی میں پانی کی سطح بڑھنے لگی ہے، اسلام آباد کے سیکٹر ایچ تیرہ میں بچہ پانی میں بہہ کر جاں بحق ہو گیا۔
مون سون بارشیں: دریاؤں سے منسلک ندی نالوں میں طغیانی کا خدشہ
پی ڈی ایم اے کی جانب سے الرٹ جاری کیا گیا ہے کہ نالہ لئی میں مسلسل بارش کے باعث طغیانی کی صورتحال ہے جس کے پیش نظر نالہ لئی کی قریبی آبادی کو خالی کروایا جائے۔
بلوچستان کے قلعہ عبداللہ کی تحصیل گلستان میں موسلادھار بارش سے ندی نالوں میں طغیانی رہی اور سیلابی ریلے میں بہہ جانے سے 2 بچیاں جان بحق ہو گئیں۔
مکہ اور گرد و نواح میں موسلادھار بارش ، 3 افراد سیلابی ریلے میں بہہ کر جاں بحق
ادھر لاہور میں بھی بادل برس پڑے، مختلف علاقوں میں کہیں اور ہلکی کہیں تیز بارش سے موسم خوشگوار ہو گیا، جبکہ کراچی میں بھی بارش کا امکان ہے۔