بنگلہ دیش کی نئی 17 رکنی عبوری کابینہ میں کوٹہ سسٹم کے خلاف تحریک کی قیادت کرنے والے 2 طالب علموں کو بھی شامل کیا گیا ہے۔
آصف محمود اور ناہید اسلام نے بنگلہ دیش کی نئی عبوری حکومت کے مشیروں کے طور پر حلف اٹھا کر تاریخ رقم کر دی ہے ، بنگلہ دیشی تاریخ میں طلباء کو پہلی مرتبہ کابینہ میں نمائندگی دی گئی ہے۔
طلبہ نے بنگلہ دیش کو بچایا ، انتشار سے بچنے کیلئے حکمت عملی بنانا ہو گی ، ڈاکٹر یونس
ناہید اسلام کو وزارت ڈاک، ٹیلی کمیونیکیشن اور انفارمیشن ٹیکنالوجی کا مشیر بنایا گیا ہے، جبکہ آصف محمود کو امور نوجوانان اور کھیلوں کی وزارت میں شامل کیا گیا ہے۔
عہدے کا حلف اٹھانے کے بعد ناہید اسلام نے کہا کہ ہمارا مقصد ایک نیا بنگلہ دیش بنانا ہے اور منصفانہ انتخابات کو یقینی بنانا ہے۔