اسرائیلی طیاروں کی جنوبی، وسطی اور شمالی غزہ میں متعدد مقامات پر بمباری کے نتیجے میں مزید درجنوں فلسطینی شہید ہو گئے۔
عرب میڈیا رپورٹس کےمطابق غزہ سٹی میں التابن اسکول پر بمباری سے 100 فلسطینی شہید ہو گئے، اسکول میں سیکڑوں بے گھر افراد نے پناہ لے رکھی تھی، حملہ اس وقت کیا گیا جب لوگ نماز فجر کی ادائیگی میں مصروف تھے۔
غزہ میں 92 ہزار سے زائد فلسطینی شہید ہو چکے ، امریکی ڈاکٹروں کا انکشاف
دوسری جانب المواسی میں اسرائیلی طیاروں نے ایک گھر پر بمباری کی جس سے پانچ فلسطینی شہید ہو گئے،خان یونس میں بھی زمینی آپریشن تیز کر دیا گیا۔
ادھررفح میں القسام بریگیڈ نےصہیونی فوج کے ٹینکوں کو تباہ کر دیا۔اسرائیلی فوج نے لبنان اور شام پربھی بمباری کی۔ شام کے شہرحمص میں ایئربیس کو نشانہ بنایا گیا۔