بنگلہ دیش میں عوامی لیگ کے حامی سڑکوں پر نکل آئے ،ریلی کے دوران تصادم میں 5 فوجیوں سمیت 7 افراد زخمی ہو گئے ، مشتعل افراد نے فوج کی گاڑی کو آگ لگا دی۔
مقامی میڈیا کے مطابق یہ واقعہ گوپال گنج میں بس اسٹینڈ کے قریب اس وقت پیش آیا جب عوامی لیگ کے کارکنوں کی جانب سے ایک احتجاجی ریلی نکالی گئی تھی۔
طلبہ کا الٹی میٹم ، حسینہ واجد کے حامی سمجھے جانیوالے سپریم کورٹ کے مزید 5 جج مستعفی
عوامی لیگ اور ان کے اتحادیوں نے ریلی کے دوران مطالبہ کیا کہ حسینہ واجد کو دوبارہ ملک میں باعزت واپس لایا جائے۔
بنگلہ دیشی اخبار کے مطابق عوامی لیگ کے کارکنوں نے ڈھاکا سے کھلیانہ جانیوالی ہائی وے کو بھی بلاک کر دیا تھا، فوجیوں نے انہیں روکتے ہوئے روڈ کلیئر کروانے کی کوشش کی تو اس دوران ہجوم نے ان پر پتھراؤ شروع کر دیا۔
بنگلہ دیش ، کوٹہ سسٹم کیخلاف تحریک کی قیادت کرنیوالے 2 طالبعلم بھی عبوری کابینہ میں شامل
بعد ازاں فوجیوں نے ہجوم کو منتشر کرنے کے لیے لاٹھی چارج کیا، جس پر مظاہرین نے فوجیوں کی گاڑی کو نذر آتش کر دیا۔