وفاق نے رائٹ سائزنگ اقدامات کے تحت تمام عارضی آسامیوں کو ختم کرنیکا فیصلہ کیا ہے، وزارت خزانہ نے ڈویژنز کو آگاہ کردیا۔
عارضی آسامیوں کو ختم کرنے سے متعلق وزارت خزانہ نے وفاقی کابینہ کا فیصلہ تمام وزارتوں اورچڈویژنز کو بھجوادیا ہے، وزارت خزانہ نے ہدایت دی ہے کہ تمام عارضی اور ہنگامی آسامیوں کو ختم کیا جائے۔
وزارت خزانہ نے مزید کہا کہ وفاقی کابینہ کے فیصلے پر عمل درآمد کو یقینی بنایا جائے، فیصلے حکومتی رائٹ سائزنگ کمیٹی کی سفارشات کے تحت کیےگئے ہیں۔
ذرائع نے بتایا کہ نائب قاصد، سیکیورٹی گارڈ، مالی اور خاکروب کی آسامیاں ختم ہوں گی، سینٹری ورکرز، ریکارڈ سارٹر، کارپنٹر، الیکٹریشن اور پلمبر کی آسامیاں بھی ختم ہونگی۔
ان آسامیوں کیلئے نئی بھرتیوں پر بھی پابندی عائد ہوگی، وفاقی اداروں میں کلیننگ، پلمبنگ اور باغبانی کا شعبہ آؤٹ سورس کیا جائیگا، مستقبل میں وزارتیں، ڈویژنز اور ادارے ایسی بھرتیاں نہیں کریں گی۔
ذرائع نے مزید بتایا کہ وزارتوں، ڈویژنز، اداروں میں خالی آسامیوں کو ڈائینگ پوسٹس تصور کیا جائیگا، جنرل کامن اور نان کورسروسز کو آؤٹ سورسنگ کے ذریعے مینج کیا جائےگا۔