خیبرپختونخوا کے قدرتی آفات سے نمٹنے کے ادارے کے مطابق صوبے کے مختلف اضلاع میں جمعرات کو ہونے والی شدید بارشوں اور فلیش فلڈ کے باعث ہلاک ہونے والوں کی تعداد 200 سے تجاوز کر چکی ہے۔ بونیر، باجوڑ اور بٹگرام میں تاحال ریسکیو آپریشن جاری ہے۔ باجوڑ میں امداد لے کر جانے والے ہیلی کاپٹر کو حادثہ پیش آنے سے دو پائلٹوں سمیت پانچ افراد ہلاک ہو گئے ہیں۔ وزیر اعلیٰ علی امین گنڈاپور نے سنیچر کو صوبے بھر میں یومِ سوگ کا اعلان کیا ہے۔
- خیبرپختونخوا کے قدرتی آفات سے نمٹنے کے ادارے کے مطابق صوبے کے مختلف اضلاع میں جمعرات کو ہونے والی شدید بارشوں اور فلیش فلڈ کے باعث ہلاک ہونے والوں کی تعداد 200 سے زیادہ ہو گئی ہے
- پی ڈی ایم اے کے مطابق سب سے زیادہ متاثرہ اضلاع بونیر، باجوڑ اور بٹگرام میں ریسکیو آپریشن تاحال جاری ہے جبکہ اس دوران صوبائی حکومت کا ایک ہیلی کاپٹر حادثے کا شکار ہوا ہے
- خیبرپختونخوا میں بارش اور سیلابی صورتحال پر وفاقی حکومت نے این ڈی ایم اے کو بحالی اور ریسکیو کے کاموں میں ہر قسم کا تعاون اور فعال کردار ادا کرنے کی ہدایت کر دی ہے
- ادھر پاکستان کے زیر انتظام کشمیر میں لینڈ سلائیڈنگ اور دیگر واقعات میں آٹھ افراد ہلاک، نیلم اور جہلم ویلی میں 500 سے زائد سیاح محصور ہو گئے
- دریں اثنا انڈین وزیر اعظم نریندر مودی نے انڈیا کے یوم آزادی پر خطاب میں کہا ہے کہ آپریشن سندور کے بعد پاکستان کی نیند اُڑی ہوئی ہے
خیبر پختونخوا میں بارشوں اور سیلاب سے 24 گھنٹوں میں 200 سے زیادہ ہلاکتیں، ریسکیو آپریشن کے دوران ہیلی کاپٹر حادثے کا شکار
