پی ڈی ایم اے کے مطابق پنجاب کے مختلف علاقوں میں سیلابی ریلوں سے ہلاکتوں کی تعداد سات ہو گئی ہے۔ فی الوقت دریائے راوی میں شاہدرہ کے مقام سے 1 لاکھ 80 ہزار کیوسک پانی کا ریلا گزر رہا ہے جبکہ پانی کی سطح میں مسلسل اضافہ ہو رہا ہے۔ دوسری جانب این ڈی ایم اے کا کہنا ہے کہ خلیجِ بنگال اور بحیرہ عرب سے آنے والی مون سون ہوائیں پاکستان کے بالائی اور وسطی علاقوں میں داخل ہوگئی ہیں جس سے شدید بارشوں کا امکان ہے۔
- پنجاب میں قدرتی آفات سے نمٹنے کے ادارے پی ڈی ایم اے نے صوبے بھر میں سیلاب سے چھ ہلاکتوں کی تصدیق کی ہے
- ریسکیو پنجاب نے دعویٰ کیا ہے کہ اب تک 51 ہزار سے زائد لوگوں کو ریسکیو کیا جا چکا ہے
- سیلاب اور بارشوں کے باعث سیالکوٹ میں آج تمام سرکاری اور نجی تعلیمی ادارے بند ہیں
- پی ڈی ایم اے کا کہنا ہے کہ دریائے چناب میں قادر آباد ہیڈ ورکس پر پانی کے دباؤ میں کمی ہو رہی ہے
- پی ڈی ایم اے کا کہنا ہے کہ دریائے راوی میں شاہدرہ کے مقام سے آج تقریبا 2 لاکھ کیوسک پانی کا ریلا گزرے گا
- نیشنل ڈیزاسٹر مینجمنٹ اتھارٹی کا کہنا ہے کہ خلیجِ بنگال اور بحیرہ عرب سے مون سون ہوائیں ملک کے بالائی اور وسطی علاقوں میں داخل ہوگئی ہیں جس سے شدید بارشوں کا امکان ہے
دریائے راوی میں شاہدرہ کے مقام پرانتہائی اونچے درجے کا سیلاب، پانی کی سطح میں مسلسل اضافہ: پنجاب میں سیلابی ریلوں سے سات ہلاکتیں
