پنجاب کی سینیئر وزیر مریم اورنگزیب کے مطابق صوبے بھر میں آنے والے سیلابی ریلوں کے باعث اب تک 12 افراد ہلاک ہو چکے ہیں۔ دوسری جانب دریائے راوی میں شاہدرہ کے مقام سے 1 لاکھ 80 ہزار کیوسک پانی کا ریلا گزر رہا ہے جبکہ اس مقام پر پانی کی سطح میں مسلسل اضافہ ہو رہا ہے جبکہ این ڈی ایم اے کا کہنا ہے کہ خلیجِ بنگال اور بحیرہ عرب سے آنے والی مون سون ہوائیں پاکستان کے بالائی اور وسطی علاقوں میں داخل ہوگئی ہیں جس سے شدید بارشوں کا امکان ہے۔
- حکومت پنجاب نے سیلابی ریلوں کے باعث صوبے کے مختلف علاقوں میں 12 افراد کی ہلاکت کی تصدیق کی ہے
- ریسکیو پنجاب کا کہنا ہے کہ اب تک سوا دو لاکھ افراد اور پونے دو لاکھ مویشیوں کو متاثرہ علاقوں سے نکال کر محفوظ مقامات تک پہنچایا جا چکا ہے جبکہ ریسکیو آپریشن تاحال جاری ہے
- سیلاب اور بارشوں کے باعث سیالکوٹ میں آج تمام سرکاری اور نجی تعلیمی ادارے بند ہیں
- پی ڈی ایم اے کا کہنا ہے کہ دریائے چناب میں قادر آباد ہیڈ ورکس پر پانی کے دباؤ میں کمی ہو رہی ہے
- پی ڈی ایم اے کا کہنا ہے کہ دریائے راوی میں شاہدرہ کے مقام سے آج تقریبا 2 لاکھ کیوسک پانی کا ریلا گزرے گا
- نیشنل ڈیزاسٹر مینجمنٹ اتھارٹی کا کہنا ہے کہ خلیجِ بنگال اور بحیرہ عرب سے مون سون ہوائیں ملک کے بالائی اور وسطی علاقوں میں داخل ہوگئی ہیں جس سے شدید بارشوں کا امکان ہے
چناب، راوی اور ستلج میں غیرمعمولی سیلابی صورتحال برقرار، پنجاب میں اب تک 12 ہلاکتوں کی تصدیق
