آل پاکستان صرافہ جیمز اینڈ جیولرز ایسوسی ایشن کے مطابق ملکی مارکیٹ میں سونے کی قیمت میں ایک اور اضافہ ریکارڈ کیا گیا ہے۔
جمعرات کے روز فی تولہ سونا 900 روپے مہنگا ہو کر 3 لاکھ 62 ہزار 600 روپے تک پہنچ گیا۔ اسی طرح 10 گرام سونا بھی 772 روپے بڑھنے کے بعد 3 لاکھ 10 ہزار 871 روپے میں دستیاب ہے۔
ایسوسی ایشن کے مطابق عالمی مارکیٹ میں بھی قیمتی دھات کی قدر میں اضافہ ہوا ہے، جہاں سونے کا ریٹ 9 ڈالر بڑھ کر 3 ہزار 399 ڈالر فی اونس پر جا پہنچا۔