وزیراعلیٰ سندھ سید مراد علی شاہ نے بارش کے بعد کراچی کا دورہ کیا ان کے ہمراہ صوبائی وزراء سعید غنی، مخدوم محبوب اور چیف سیکریٹری آصف حیدر بھی موجود تھے۔
ترجمان وزیراعلیٰ سندھ کے مطابق مراد علی شاہ نے کراچی کے مختلف علاقوں کا جائزہ لیا۔ وہ قیوم آباد چورنگی پہنچے جہاں بارش کے پانی کی نکاسی کا معائنہ کیا۔ اس موقع پر وزیراعلیٰ کو بریفنگ دی گئی کہ قیوم آباد پل کے قریب بارش کا پانی جمع ہے جسے مشینری کے ذریعے نکالا جا رہا ہے۔
وزیراعلیٰ سندھ نے کورنگی کاز وے کا بھی معائنہ کیا اور وہاں کی صورتحال پر برہمی کا اظہار کیا انہوں نے کہا کہ کورنگی کاز وے ندی کا منظر پیش کر رہا ہے جو شہریوں کے لیے مشکلات کا باعث ہے۔