پاکستانی فوج کا کہنا ہے کہ صوبہ خیبر پختونخوا کے دو مقامات پر سکیورٹی فورسز کے آپریشنز کے دوران 35 شدت پسندوں کو ہلاک کیا گیا ہے۔ فوج کے شعبہ تعلقات عامہ (آئی ایس پی آر) کے مطابق ضلع باجوڑ میں شدت پسندوں کی موجودگی کی اطلاع پر انٹیلیجنس بیسڈ آپریشن کیا گیا جبکہ جنوبی وزیرستان میں شدت پسندوں کی فائرنگ سے 12 فوجی اہلکار مارے گئے ہیں۔
- پاکستان کے صوبہ پنجاب میں قدرتی آفات سے نمٹنے کے ادارے پی ڈی ایم اے کا کہنا ہے کہ سیلاب نے 28 اضلاع کو متاثر کیا ہے لیکن اگلے 24 گھنٹوں میں پانی کی سطح میں کمی آئے گی۔
- قطر پر اسرائیل کے حملے کے بعد امریکہ کے صدر ڈونلڈ ٹرمپ نے قطر کے وزیراعظم سے نیویارک میں ملاقات کی ہے۔ جمعے کو نیویارک میں یہ ملاقات عشائیے پر ہوئی۔
- اقوام متحدہ کی جنرل اسمبلی نے فلسطین کے دو ریاستی حل کے لیے ’نیویارک ڈیکلیئریشن‘ کی منظوری دی ہے جس میں اسرائیل فلسطین تنازعے کے دو ریاستی حل کے لیے ’مقررہ مدت کے اندر، ٹھوس، ناقابل واپسی اقدامات‘ کرنے پر زور دیا گیا ہے۔
- نیپال میں بدعنوانی کے خلاف پُرتشدد مظاہروں کے بعد سپریم کورٹ کی سابق چیف جسٹس سُشیلا کارکی نے بطور نگراں وزیرِ اعظم حلف اُٹھا لیا ہے۔
خیبر پختونخوا میں پاکستانی فوج کے دو آپریشنز میں 35 شدت پسند ہلاک: آئی ایس پی آر
