پاکستان میں ایک بار پھر سونے کی قیمتوں میں کمی ریکارڈ کی گئی ہے۔ آل پاکستان جیمز اینڈ جیولرز ایسوسی ایشن کے جاری کردہ اعداد و شمار کے مطابق مقامی مارکیٹ میں فی تولہ سونا 2 ہزار 400 روپے سستا ہو کر 3 لاکھ 88 ہزار 600 روپے پر آ گیا ہے۔
اسی طرح 10 گرام سونے کی قیمت میں بھی کمی دیکھنے کو ملی اور یہ 2 ہزار 58 روپے گھٹ کر 3 لاکھ 33 ہزار 161 روپے تک پہنچ گئی۔ ماہرین کے مطابق گزشتہ کئی دنوں سے مسلسل اُتار چڑھاؤ کے بعد یہ کمی خریداروں کے لیے وقتی ریلیف ہے۔
عالمی منڈی میں بھی قیمتوں میں کمی دیکھی گئی، جہاں سونا 24 ڈالر سستا ہو کر 3 ہزار 668 ڈالر فی اونس پر ٹریڈ ہوا۔ مقامی مارکیٹ کے ماہرین کا کہنا ہے کہ بین الاقوامی سطح پر قیمتوں میں اس کمی کا براہِ راست اثر پاکستان میں بھی پڑ رہا ہے۔