نیو کراچی میں دو گروپوں میں تصادم کے دوران ڈنڈوں اور بیلچوں کے وار سے 13 افراد زخمی ہوگئے۔
نیو کراچی کے علاقے اللہ والی عبدالرحیم گوٹھ میں دو گروپوں میں تصادم کی اطلاع ملتے ہی پولیس کی بھاری نفری جائے وقوعہ پر پہنچ گئی جبکہ زخمیوں کو اسپتال منتقل کرنے کے لیے ایمبولینسوں کو بھی طلب کیا گیا۔ بعدازاں 6 ایمبولینسوں کے ذریعے 13 زخمیوں کو عباسی شہید اسپتال منتقل کردیا گیا۔
اسپتال پہنچائے گئے زخمیوں میں امیر ولد ولی محمد، علی گل ولد ولی محمد، حیدر علی ولد میر بخش، شاہد ولد میر بخش، ظہیر علی ولد محمد خان، نذیر خان ولد محمد خان، محمد خان ولد صالح محمد، غلام عباس ولد تحسین، محمد وزیر ولد محمد خان، شہباز ولد میر بخش، فتح محمد ولد حضور بخش، محمد علی ولد صالح، شریف ولد ولی محمد شامل ہیں۔
پولیس زخمیوں کے بیانات لے کر جھگڑے کی وجوہات جاننے اور قانونی کارروائی میں مصروف ہے۔