صوبائی وزیر مواصلات مینا خان آفریدی نے بڑا فیصلہ کرتے ہوئے ٹانک کی سڑکوں کی مرمت کے لیے جاری ٹینڈر اشتہار ایک ہی دن میں منسوخ کردیا۔
جن سڑکوں کے لیے اشتہار جاری کیا گیا اس میں وزیرِ اعلیٰ کی ہدایات نظر انداز کی گئیں، شخصی نام کے ساتھ ٹینڈر جاری کرنے پر وزیرِ اعلیٰ نے پابندی لگا رکھی ہے۔
اشتہار محکموں کے قلمدان کی تبدیلی کے دوران جاری ہوا، صوبائی حکومت میں شفافیت پہلا اور رہنما اصول ہے۔ معاملے کی چھان بین کرکے ذمہ داران کا تعین کیا جائے گا۔ کسی بھی شخصی نام سے کوئی منصوبہ منظور نہیں کیا جائے گا، وزیرِ اعلیٰ کی ہدایات واضح ہیں۔