ٹنڈو محمد خان: بلڑی شاہ کریم میں مزدوروں نے کم اجرت کے خلاف احتجاجی دھرنا دے کر ٹریفک معطل کردیا، جس کے باعث مسافروں کو شدید پریشانی کا سامنا کرنا پڑا۔
مزدوروں نے پورہیّت کو حق دو اور مزدوروں سے زیادتی بند کرو کے نعرے لگائے۔ مزدور رہنماؤں کا کہنا تھا کہ 16 گھنٹے کام کے باوجود انہیں مناسب اجرت نہیں دی جا رہی۔
ان کا مزید کہنا تھا کہ حکومت ملازمین کی تنخواہیں بڑھاتی ہے مگر مزدوروں کی اجرت میں اضافہ نہیں کیا جاتا۔
مظاہرین نے انتظامیہ سے کامیاب مذاکرات اور اجرت میں اضافے کی یقین دہانی پر دھرنا ختم کردیا اور 2 گھنٹے بعد ٹریفک بحال ہوگئی۔