وزیراعلیٰ خیبر پختونخوا محمد سہیل آفریدی کی حلف برداری کے بعد وزیراعلیٰ سیکریٹریٹ آمد، با ضابطہ طور پر وزارت اعلیٰ کا منصب سنبھال لیا۔
وزیراعلیٰ سیکریٹریٹ آمد پر عملے نے سہیل آفریدی کا استقبال کیا جبکہ پولیس کے چاق وچوبند دستے کی جانب سے وزیراعلیٰ کو گارڈ آف آنر پیش کیا گیا۔وزیراعلیٰ محمد سہیل آفریدی سے سیکریٹریٹ کے عملے کا تعارف کروایا گیا۔ وزیراعلیٰ سیکریٹریٹ کے حکام نے نومنتخب وزیراعلیٰ کو سیکریٹریٹ کے دفتری امور کے بارے مختصر بریفنگ دی۔
اس موقع پر سہیل آفریدی نے کہا کہ وزیراعلیٰ سیکریٹریٹ ایک عوامی جگہ اور پورے صوبے کا چہرہ ہے، آنے والے لوگوں کے ساتھ ہمیشہ اچھا برتاؤ کیا جائے۔انہوں نے ہدایت کی کہ وزیراعلیٰ سیکریٹریٹ کے معمولات میں وقت کی پابندی کا خاص خیال رکھا جائے۔