نیشنل ہائی ویز اینڈ موٹروے پولیس ساؤتھ زون نے لیاری ایکسپریس وے کو گارڈن سے ماڑی پور تک ٹریفک کے لیے عارضی طور پر بند کردیا۔
ترجمان موٹروے پولیس ساؤتھ زون کے مطابق ایف ڈبلیو او کی جانب سے لیاری ایکسپریس وے پر ترقیاتی کام جاری ہے۔ جس کی وجہ سے گارڈن سے ماڑی پور جانے والا ٹریک ہر قسم کی ٹریفک کے لیے عارضی طور پر بند کردیا گیا ہے۔
ترجمان کے مطابق سہراب گوٹھ اور حسن اسکوائر سے ماڑی پور جانے والی گاڑیوں کو گارڈن انٹرچینج سے شہر کی جانب موڑا جا رہا ہے۔ شہریوں سے گزارش کی گئی ہے کہ دورانِ سفر کسی بھی پریشانی سے بچنے کے لیے متبادل راستے اختیار کریں۔