سابق ویسٹ انڈیز فاسٹ بولر ریون کنگ کو پاکستان میں ہونے والی تین ملکی ٹی ٹوئنٹی سیریز کے لیے میچ ریفری مقرر کر دیا گیا ہے۔
یہ تین ملکی ٹورنامنٹ 17 سے 29 نومبر تک راولپنڈی اور لاہور میں کھیلا جائے گا جس میں پاکستان، سری لنکا اور زمبابوے کی ٹیمیں حصہ لیں گی۔
پاکستان کرکٹ بورڈ کے مطابق ایونٹ کے دوران امپائرنگ کے فرائض احسن رضا، فیصل آفریدی، راشد ریاض، طارق رشید اور عاصف یعقوب انجام دیں گے۔
سیریز کا فائنل 29 نومبر کو لاہور کے قذافی اسٹیڈیم میں کھیلا جائے گا۔