فیفا ورلڈ کپ کے ایک اہم میچ میں امریکا نے شاندار کارکردگی کا مظاہرہ کرتے ہوئے پیراگوئے کو 1-4 سے شکست دے دی۔
میچ لاس اینجلس میں کھیلا گیا جہاں امریکی ٹیم نے پہلے ہاف میں ہی مکمل برتری حاصل کر لی اور وقفے تک اسکور 0-3 کر دیا۔
امریکا کو ابتدائی برتری پیراگوئے کے کھلاڑی بوبا ڈیلا کے اپنے ہی گول کی بدولت ملی۔ اس کے بعد امریکی کھلاڑی بیلوگن نے دوسرا گول اسکور کیا جبکہ پہلے ہاف کے اختتام سے چند سیکنڈ قبل بیلوگن نے اپنا دوسرا اور ٹیم کا تیسرا گول داغ دیا۔
دوسرے ہاف میں پیراگوئے کی ٹیم نے واپسی کی کوشش کی اور 73ویں منٹ میں مارسیو نے اپنی ٹیم کے لیے واحد گول اسکور کیا، تاہم خسارہ پورا نہ ہو سکا۔
اختتامی لمحات میں امریکا کی جانب سے گیوانی رینا نے چوتھا گول اسکور کیا، جس کے ساتھ ہی میچ 1-4 کے اسکور پر امریکا کے حق میں ختم ہوا۔