حکومتِ پنجاب کی جانب سے سخت کارروائی کے عندیہ کے بعد نصف سے زائد شوگر ملز نے کرشنگ کا آغاز کردیا۔
نجی ٹی وی نے کین کمشنر پنجاب کے حوالے سے بتایا ہے کہ پنجاب کی 27 شوگر ملوں نے کرشنگ شروع کردی ہے جبکہ دیگر 14 ملز کو آج چیک کر کے کارروائی شروع کی جائے گی۔
کین کمشنر پنجاب کے مطابق آج سے کرشنگ شروع نہ کرنے والی شوگر ملز کے خلاف ایکشن لیا جائے گا اور ایسی شوگر ملز کو 10 لاکھ روپے یومیہ جرمانہ ہوگا۔
کین کمشنر کے مطابق کرشنگ سیزن میں مانیٹرنگ کے لیے ٹیمیں تشکیل دے دی گئی ہیں، کسانوں کو گنے کی بروقت ادائیگی بھی یقینی بنائیں گے، بازار میں نئی چینی سپلائی آنے سے قیمت بھی کم ہوگی۔