راولپنڈی اینٹی کرپشن کی خصوصی عدالت نے سابق وفاقی وزیر فواد چوہدری کے ناقابلِ ضمانت وارنٹ گرفتاری جاری کر دیے۔ عدالت نے متعدد بار طلبی کے باوجود پیش نہ ہونے پر شدید برہمی کا اظہار کیا۔
فواد چوہدری کے خلاف اراضی منتقلی اختیارات کے ناجائز استعمال کے الزامات پر قائم مقدمے میں وارنٹ جاری کیے گئے۔ کیس کی سماعت خصوصی عدالت کے جج خاور رشید نے کی۔
عدالت نے ریمارکس دیے کہ بار بار موقع دینے کے باوجود ملزم کا پیش نہ ہونا عدالتی کارروائی میں رکاوٹ ہے، جس پر سخت کارروائی ناگزیر تھی۔
اینٹی کرپشن حکام کو حکم دیا گیا ہے کہ فواد چوہدری کو گرفتار کرکے آئندہ سماعت پر عدالت کے روبرو پیش کیا جائے۔