اڈیالہ جیل میں بانی پی ٹی آئی عمران خان سے ملاقات کے لیے وکلا کی چھ رکنی فہرست جیل حکام کے حوالے کر دی گئی ہے۔ فہرست میں بیرسٹر گوہر، سلمان اکرم راجا، انتظار پنجوتھہ، لال بادشاہ، مبشر رحمان اور عبدالرحمن رانجھا شامل ہیں۔
ذرائع کے مطابق یہ فہرست سلمان اکرم راجا کی جانب سے چوہدری اویس ایڈووکیٹ نے جیل انتظامیہ کو جمع کرائی۔
درخواست موصول ہونے کے بعد داہگل کے مقام پر سیکیورٹی ہائی الرٹ کر دی گئی ہے جبکہ اڈیالہ جیل کے اطراف پولیس اور رینجرز کی اضافی نفری تعینات کر دی گئی ہے۔ صورتحال کے پیشِ نظر سیکیورٹی اقدامات مزید سخت کیے جا رہے ہیں۔ملاقات کا حتمی وقت حکام کی منظوری کے بعد طے کیا جائے گا۔