فیڈرل انویسٹی گیشن ایجنسی نے سال 2025 کے دوران انسانی اسمگلنگ میں ملوث تقریباً ایک ہزار ایجنٹس کو گرفتار کر لیا، تاہم اس کے باوجود اس غیر قانونی کاروبار میں اضافہ جاری ہے۔
ایف آئی اے کے ایڈیشنل ڈائریکٹر کے مطابق ڈنکی روٹس میں ملوث ایجنٹس کی تعداد میں دس گنا اضافہ ہوا ہے جس کے باعث قانون نافذ کرنے والے اداروں کو سنگین چیلنجز کا سامنا ہے۔
انہوں نے بتایا کہ بہتر مستقبل کی تلاش میں متعدد شہری ان ایجنٹس کے جھانسے میں آ جاتے ہیں جبکہ بعض افراد بیرونِ ملک جانے کے لیے جعلی یا غیر قانونی سفری دستاویزات کا سہارا لیتے ہیں۔ ایف آئی اے کے مطابق رواں سال اب تک تقریباً 500 افراد کے خلاف غیر قانونی دستاویزات کے ذریعے بیرونِ ملک سفر کی کوشش کرنے پر مقدمات درج کیے جا چکے ہیں۔