انڈر19 ایشیا کپ کرکٹ میں پاکستان نے متحدہ عرب امارات کو 70 رنز سے شکست دے کر سیمی فائنل کیلیے کوالیفائی کرلیا۔
دبئی میں کھیلے گئے گروپ کے اپنے آخری میچ میں پاکستان نے یو اے ای کے خلاف پہلے بیٹنگ کرتے ہوئے 9 وکٹوں کے نقصان پر 241 رنز بنائے۔ احمد حسین نے 65 اور سمیر منہاس نے 44 رنز کی نمایاں اننگز کھیلیں، حمزہ ظہور نے بھی 42 رنز اسکور کیے۔
یو اے ای کے بالر یوگ شرما نے 3 اور نسیم خان نے 2 کھلاڑیوں کو آؤٹ کیا۔
ہدف کے تعاقب میں یو اے ای کی ٹیم 38 ویں اوور میں 171 رنز بناکر آؤٹ ہوگئی۔ ایان مصباح نے 77رنز بنائے جبکہ پرتھوی مدھو نے 27 رنز کی اننگز کھیلی۔
پاکستان کے عبدالسبحان نے 4 کھلاڑیوں کو آؤٹ کیا۔ اس جیت کے نتیجے میں پاکستان سیمی فائنل میں پہنچ گیا۔