ارجنٹینا کے عالمی شہرت یافتہ فٹبالر لیونل میسی کے بھارت کے دورے کے دوران بدنظمی اور ہنگامہ آرائی کے ساتھ ساتھ ان کا پرتعیش نجی جیٹ بھی میڈیا اور عوام کی توجہ کا محور بنا رہا ہے۔
غیر ملکی میڈیا رپورٹس کے مطابق میسی کا نجی طیارہ گلف اسٹریم ہے جو دنیا کے مہنگے اور جدید ترین طیاروں میں شمار ہوتا ہے۔ طیارے کی سیڑھیوں پر میسی کی اہلیہ اور بچوں کے ناموں کے ابتدائی حروف درج ہیں جبکہ دم پر ان کا مشہور جرسی نمبر 10 بھی نظر آتا ہے۔
رپورٹس کے مطابق میسی نے یہ طیارہ 2018 میں 15 ملین ڈالر میں خریدا تھا۔ طیارے کے اندر 14 جدید آرام دہ سیٹس، ایک جدید کچن، 2 باتھ رومز اور دیگر سہولیات موجود ہیں۔ یہ جیٹ 51 ہزار فٹ کی بلندی تک پرواز کرنے کی صلاحیت رکھتا ہے اور بغیر رکے نیویارک سے ٹوکیو یا لندن سے سنگاپور تک کا سفر کر سکتا ہے۔
میسی اس سے قبل بھی ایمبرائر لیگیسی 650 کے مالک رہ چکے ہیں، جو ان کی لگژری طیاروں کی محبت کو ظاہر کرتا ہے۔ بھارت میں ان کے نجی جیٹ نے شائقین اور میڈیا کے درمیان کافی چرچا پیدا کیا ہے اور اسٹار فٹبالر کی شہرت میں مزید اضافہ کیا ہے۔