پاکستانی مارشل آرٹس کھلاڑی صبا راشد نے نن چکو کے ذریعے ایک منٹ میں فیگر آف ایتھ بنانے کا عالمی ریکارڈ قائم کرتے ہوئے پاکستان کے لیے گنیز بک آف ورلڈ ریکارڈ میں اپنا نام درج کروا لیا ہے۔
صبا راشد نے ایک منٹ میں نن چکو کو 138 مرتبہ مہارت سے گھمایا جو 120 کے سابقہ ریکارڈ کو پیچھے چھوڑتا ہے۔ اس کارنامے کے ساتھ انہوں نے بھارت کی عالمی ریکارڈ ہولڈر کرن اونیال کو شکست دی۔
یہ صبا راشد کا مجموعی طور پر دوسرا عالمی ریکارڈ ہے اس سے پہلے انہوں نے ایلبو اسٹرائیک میں تین منٹ میں 680 کہنیوں کے وار کر کے بھارت کی کرن اونیال کو شکست دی تھی۔
صبا راشد پاکستان کے لیے سب سے زیادہ عالمی ریکارڈ بنانے والے راشد نسیم کی اہلیہ ہیں۔ راشد نسیم کی بیٹی نے فیمیل کیٹیگری میں 8 عالمی ریکارڈز قائم کیے ہیں جبکہ بیٹے نے صرف 6 سال کی عمر میں پاکستان کو عالمی اعزاز دلوایا ہے۔ راشد نسیم کے والد بھی پاکستان کے لیے متعدد گنیز ریکارڈز بنا چکے ہیں۔