اورکزئی میں 3 سالہ بچی کے اغوا اور قتل میں والد کا بزنس پارٹنر ملوث نکلا۔
اورکزئی میں تین سالہ بچی کے قتل میں گرفتار 19 افراد میں سے 4 ملزمان نے اعتراف جرم کرلیا۔
ڈی پی او کُرم شوکت علی نے تین سالہ بچی کے اغوا اور قتل کے حوالے سے میڈیا کو بتایا کہ بچی کو 19 نومبر کو اغوا کیا گیا اور 4 دن بعد اس کی لاش پہاڑوں میں دفنائی گئی تھی جبکہ بچی کی لاش کی باقیات برآمد کرلی گئی ہیں۔
ڈی پی او کا کہنا ہے کہ بچی کے اغوا اور قتل میں مقتولہ کے والد کے بزنس پارٹنر کو گرفتار کرلیا گیا ہے، پولیس نے تفتیش کی روشنی میں بتایا کہ ملزم بچی کے والد سے 5 لاکھ روپے اور کوئلے کی کان اپنے نام کرانا چاہتا تھا۔
انہوں نے مزید کہا کہ حراست میں لیے گئے 19 ملزمان میں سے 4 افراد نے اپنے جرم کا اعتراف کرلیا ہے جبکہ 4 ملزمان کو عدالت میں پیش کر کے7 روزہ جسمانی ریمانڈ حاصل کرلیا۔