نائب وزیرِاعظم اور وزیرِ خارجہ سینیٹر محمد اسحاق ڈار اور مصر کے وزیرِ خارجہ بدر احمد محمد عبدالعاطی کے درمیان ٹیلیفونک رابطہ ہوا۔
وزارتِ خارجہ کے مطابق دونوں رہنماؤں نے پاکستان اور مصر کے دوطرفہ تعلقات میں مثبت پیش رفت پر اطمینان کا اظہار کیا۔
گفتگو کے دوران علاقائی اور عالمی امور، خصوصاً صومالیہ اور یمن کی صورتحال پر تبادلۂ خیال کیا گیا۔ دونوں فریقین نے علاقائی امن، استحکام اور ترقی کے فروغ کے لیے اپنے مشترکہ عزم کا اعادہ کیا۔