کراچی پولیس نے جماعت اسلامی کے رکن سندھ اسمبلی محمد فارق سمیت متعدد افراد کو الیکشن کمیشن دفتر کے سامنے سے حراست میں لے لیا۔
جماعت اسلامی کے رکن اسمبلی کارکنان کے ہمراہ الیکشن کمیشن کے دفتر کے باہر پریس کانفرنس کررہے تھے۔
قبل ازیں جماعت اسلامی کے ایم پی اے محمد فاروق نے میڈیا سے گفتگو کرتے ہوئے کہا تھا کہ ملک بھر میں ہونے والے ظلم و ستم کو عیاں کرنے کے لیے جماعت اسلامی یہاں موجود ہے۔
محمد فاروق نے کہا کہ یہ بادشاہ سلامت کا گھر نہیں، پریس کانفرنس ہوگی، پریس کانفرنس کی اجازت نہیں دی گئی تو احتجاج ہوگا۔
محمد فاروق کا کہنا تھا کہ 14 فروری کو سندھ اسمبلی کے باہر دھرنے کو روکنےکی کوشش کی جا رہی ہے، وہ دھرنا ہوگا اور یہ پریس کانفرنس بھی ہوگی۔