"ایسا لگتا ہے جیسے ہم بے بسی کے ایک ایسے مرحلے سے گزر رہے ہیں جہاں انسان صرف صبر اور دعا ہی کرسکتا ہے۔ اس وقت ہماری کیفیت بہت عجیب اور مشکل ہے۔ اللہ کسی بہن کو اپنے بھائی کا دکھ نہ دکھائے اور نہ ہی کسی کو وہ وقت دیکھنا پڑے جس سے رجب گزر رہا ہے۔ مجھے کیوان سے بہت محبت ہے۔ آج بھی مجھے وہ دن یاد ہے جب رجب نے کیوان کی خوشخبری سنائی تھی، وہ بےحد خوش تھا اور اس کی خوشی دیکھ کر میں بھی بہت جذباتی ہوگئی تھی۔ کیوان ہم سب کی جان ہے۔ میرا ایمان کے ساتھ کبھی کوئی مسئلہ نہیں تھا، ہم اچھا وقت ساتھ گزارتے تھے۔ لوگ صرف شہرت کے لیے دوسروں کو بدنام کرتے ہیں اور مشہور شخصیات کو بلاوجہ تنازعات سے جوڑ دیا جاتا ہے۔ جو لوگ کہتے ہیں کہ رجب آیت سے زیادہ محبت کرتا ہے، وہ غلط سوچتے ہیں کیونکہ انسان اپنی اولاد سے بڑھ کر کسی سے محبت نہیں کرسکتا۔"
معروف یوٹیوبر رجب بٹ کی بہن غزل جواد نے حالیہ انٹرویو میں اپنے بھتیجے کیوان سلطان کا ذکر کرتے ہوئے جذباتی گفتگو کی، جس کی ویڈیوز سوشل میڈیا پر تیزی سے وائرل ہورہی ہیں۔ انٹرویو کے دوران وہ کئی مرتبہ آبدیدہ بھی ہوئیں اور اپنے بھائی کے مشکل وقت کا ذکر کرتے ہوئے جذبات پر قابو نہ رکھ سکیں۔
غزل جواد پاکستان کی معروف ڈیجیٹل کریئیٹر ہیں اور رجب بٹ کی فیملی وی لاگز کے ذریعے شہرت حاصل کرچکی ہیں۔ ان کا اپنا یوٹیوب چینل بھی لاکھوں سبسکرائبرز رکھتا ہے جبکہ سوشل میڈیا پر بھی ان کی بڑی تعداد میں فین فالوونگ موجود ہے۔ وہ اکثر اپنی روزمرہ زندگی، فیملی لمحات اور بھائی کے ساتھ ریکارڈنگز شیئر کرتی رہتی ہیں۔
حال ہی میں دیے گئے انٹرویو میں جب گفتگو رجب بٹ کے بیٹے کیوان سلطان پر آئی تو ماحول جذباتی ہوگیا۔ غزل نے کہا کہ بعض اوقات زندگی انسان کو ایسے موڑ پر لے آتی ہے جہاں خاموشی، صبر اور دعا کے علاوہ کچھ باقی نہیں رہتا۔ ان کے مطابق خاندان اس وقت ایک مشکل کیفیت سے گزر رہا ہے اور وہ نہیں چاہتیں کہ کسی بہن کو اپنے بھائی کو اس حال میں دیکھنا پڑے۔
انہوں نے اس موقع پر رجب بٹ کی اہلیہ ایمان سے متعلق گردش کرنے والی باتوں پر بھی وضاحت دی اور کہا کہ ان کے درمیان کبھی کوئی تنازع نہیں تھا۔ غزل کے مطابق سوشل میڈیا پر اکثر مشہور افراد کو بغیر وجہ تنقید اور افواہوں کا سامنا کرنا پڑتا ہے۔
انٹرویو سامنے آنے کے بعد سوشل میڈیا صارفین کی بڑی تعداد نے غزل جواد کے جذباتی انداز پر ہمدردی کا اظہار کیا جبکہ کئی افراد نے رجب بٹ اور ان کے خاندان کے لیے نیک خواہشات کا اظہار بھی کیا۔