"جب یاسر نے مجھے پروپوز کیا تو میں بہت زیادہ پرجوش نہیں تھی۔ وہ مجھ سے سات سال بڑے ہیں اور ان کی داڑھی اور مردانہ شخصیت دیکھ کر مجھے لگتا تھا کہ وہ میری عمر سے کافی بڑے ہیں، اس لیے شروع میں میں ان سے تھوڑا ڈر بھی گئی تھی۔"
معروف مارننگ شو میزبان اور اداکارہ ندا یاسر نے ایک انٹرویو میں اپنی نجی زندگی اور شادی سے متعلق دلچسپ باتیں شیئر کی ہیں، جنہوں نے سوشل میڈیا پر خاصی توجہ حاصل کی ہے۔
ندا یاسر نے بتایا کہ ان کی پرورش ایک ایسے گھرانے میں ہوئی جہاں ان کے والدین کے تعلقات کافی برابر کی سطح پر تھے، اور ان کی والدہ کو کسی بھی فیصلے کے لیے زیادہ پابندیوں کا سامنا نہیں کرنا پڑتا تھا۔ تاہم ان کی اپنی ازدواجی زندگی اس سے مختلف رہی ہے۔
ان کے مطابق شادی کے بعد انہیں اکثر چھوٹے بڑے فیصلوں کے لیے اپنے شوہر سے اجازت لینا پڑتی تھی، جو ان کے لیے ابتدا میں ایک نیا تجربہ تھا۔ انہوں نے یہ بھی اشارہ کیا کہ شاید ان کے شوہر یاسر نواز کے گھریلو ماحول میں بھی اسی طرزِ عمل کی عکاسی ہوتی رہی ہو، جس کا اثر ان کی اپنی ازدواجی زندگی پر بھی پڑا۔
ندا یاسر کی اس گفتگو کے بعد ناظرین کی جانب سے مختلف ردعمل سامنے آ رہے ہیں۔ کچھ افراد ان کی سچائی اور کھل کر بات کرنے کو سراہ رہے ہیں جبکہ کچھ صارفین اس انکشاف پر حیرانی کا اظہار بھی کر رہے ہیں۔
یہ انٹرویو ایک بار پھر ندا یاسر کی نجی زندگی اور ان کے خاندانی تعلقات کو سوشل میڈیا پر زیرِ بحث لے آیا ہے، جہاں مداح اس موضوع پر مختلف آراء کا اظہار کر رہے ہیں۔