وزیراعظم محمد شہباز شریف ایک روزہ دورے پر کوئٹہ پہنچ گئے، جہاں ائیرپورٹ پر گورنر بلوچستان جعفر خان مندوخیل نے ان کا استقبال کیا۔
ذرائع کے مطابق وزیراعظم اپنے دورۂ کوئٹہ کے دوران صوبائی قیادت سے اہم ملاقاتیں کریں گے، جن میں امن و امان اور ترقیاتی امور پر تبادلہ خیال کیا جائے گا۔
وزیراعظم شہباز شریف نیشنل ایکشن پلان کی صوبائی ایپکس کمیٹی کے اجلاس کی صدارت بھی کریں گے، جس میں سیکیورٹی صورتحال اور دہشت گردی کے خلاف اقدامات کا جائزہ لیا جائے گا۔