کویت کی وزارت دفاع نے ایک بیان میں کہا ہے کہ ’ایرانی جارحیت کے نتیجے میں آج کویت کے بین الاقوامی ہوائی اڈے کے ٹرمینل ون کو متعددڈرونز نے نشانہ بنایا‘ جس سے ایئرپورٹ کی عمارت کو کافی نقصان پہنچا اور متعدد افراد زخمی ہوئے۔ دوسری جانب بحرین کی فوج نے بھی ’ایرانی حملوں کی کوششوں کو ناکام‘ بنانے کا دعویٰ کیا ہے۔
- کویت کی وزارت دفاع کا کہنا ہے کہ ایرانی ڈرون حملوں میں بین الاقوامی ایئرپورٹ کی عمارت کو کافی نقصان پہنچا ہے جس کے بعد فضائی آپریشنز معطل کر دیے گئے جبکہ ان حملوں میں متعدد افراد زخمی ہوئے ہیں
- بحرین کی فوج نے بھی 'ایرانی حملوں کی کوششوں کو ناکام' بنانے کا دعویٰ کرتے ہوئے کہا ہے کہ میزائلوں اور ڈرونز کے ذریعے کیے گئے حملوں کا ہدف مملکت کی شہری تنصیبات تھیں
- امریکی سینٹرل کمانڈ کا کہنا ہے کہ امریکہ نے ایرانی بیلسٹک میزائلوں اور ڈرونز کو ناکام بناتے ہوئے ایران کے جزیرہ قشم پر اہداف کے خلاف اپنے دفاع میں حملے کیے ہیں جبکہ ایران کی پاسداران انقلاب نے اپنے بیان میں امریکی بحریہ کے پانچویں بیڑے کو نشانہ بنانے کا دعویٰ کیا ہے
- صدر ٹرمپ نے کہا ہے کہ ’ایران اور امریکہ کے درمیان مذاکرات مسلسل جاری ہیں اور اب وقت آ گیا ہے کہ کسی نہ کسی طریقے سے معاہدہ کیا جائے‘
کویت پر ایرانی حملوں میں متعدد افراد زخمی، فضائی آپریشن معطل: بحرین کا ایرانی میزائل اور ڈرون حملوں کو ناکام بنانے کا دعویٰ
