محکمہ موسمیات نے کراچی میں اگلے 24 گھنٹوں کے دوران مطلع جزوی طور پر ابرآلود رہنے، موسم گرم و مرطوب رہنے اور شہر کے مختلف علاقوں میں بوندا باندی کا امکان ظاہر کیا ہے۔
آج صبح شہر کا کم سے کم درجہ حرارت 28.5 ڈگری سینٹی گریڈ ریکارڈ کیا گیا جبکہ دن کے وقت زیادہ سے زیادہ درجہ حرارت 34 سے 36 ڈگری سینٹی گریڈ تک رہنے کی توقع ہے۔
اس وقت ہوا میں نمی کا تناسب 65 فیصد ہے اور جنوب مغرب کی سمت سے 20 سے 21 کلومیٹر فی گھنٹہ کی رفتار سے ہوائیں چل رہی ہیں۔