قومی اسمبلی کی رکن اور پیپلز پارٹی کی رہنما مہرین رزاق بھٹو نے پمز اسپتال میں نومولود بچوں کی اموات کے واقعے پر قومی اسمبلی میں توجہ دلاؤ نوٹس جمع کرا دیا۔
نوٹس میں کہا گیا ہے کہ پمز میں پیش آنے والا واقعہ انتہائی سنجیدہ اور تشویشناک ہے جس میں معصوم نومولود بچوں کی جانیں ضائع ہوئیں۔
مہرین رزاق بھٹو نے مطالبہ کیا کہ واقعے پر قومی اسمبلی میں فوری بحث کرائی جائے تاکہ حقائق سامنے آسکیں، ذمہ داروں کا تعین کیا جائے اور مستقبل میں ایسے واقعات کی روک تھام کے لیے مؤثر اقدامات یقینی بنائے جائیں۔
واضح رہے کہ گزشتہ روز پمز اسپتال کی نرسری میں آگ لگنے سے 14 نومولود جاں بحق ہوگئے تھے جبکہ جاں بحق بچوں کی میتیں ورثا کے حوالے کی جاچکی ہیں۔