ارجنٹائن کے اسٹار فٹبالر لیونل میسی کے شاندار بین الاقوامی سفر کے اختتام پر دنیا بھر سے انہیں خراجِ تحسین پیش کیا جا رہا ہے، پرتگال کے اسٹار کرسٹیانو رونالڈو نے بھی میسی کی کامیابیوں کو سراہا۔
میسی نے بینن کے خلاف ارجنٹائن کی 0-3 سے کامیابی میں ایک گول اور دو اسسٹس کیے۔ بیونس آئرس کے مونومینٹل اسٹیڈیم میں 85 ہزار سے زائد شائقین نے اپنے ہیرو کو جذباتی انداز میں الوداع کہا، جہاں خصوصی خراجِ تحسین اور ڈرون شو بھی پیش کیا گیا۔
الوداعی تقریب کے بعد رونالڈو نے میسی کی انسٹاگرام پوسٹ پر تبصرہ کرتے ہوئے ارجنٹائن کے لیے ان کی کامیابیوں کو سلام پیش کیا۔
میسی اور رونالڈو دو دہائیوں سے زائد عرصے تک عالمی فٹبال کے نمایاں ستارے رہے اور ان کا موازنہ شائقین میں مسلسل موضوعِ بحث رہا۔