پاکستان اور سری لنکا انڈر 17 کرکٹ ٹیموں کے درمیان پانچ میچوں کی ون ڈے سیریز کا آغاز کل (15 اکتوبر) سے ملتان کرکٹ اسٹیڈیم میں ہورہا ہے۔
اس سے قبل دونوں ٹیموں کے درمیان 9 سے 11 اکتوبر تک کھیلا گیا تین روزہ میچ بغیر کسی نتیجے کے ختم ہوگیا تھا، جس میں پاکستان کے محمد یوسف نے شاندار بیٹنگ کرتے ہوئے 190 گیندوں پر 161 رنز بنائے تھے۔
پانچ میچوں کی اس ون ڈے سیریز کا آخری اور پانچواں میچ 24 اکتوبر کو کھیلا جائے گا۔
پاکستان میں شائقین یہ تمام میچز 'تماشا' اور 'ٹیپ میڈ' پر براہ راست دیکھ سکیں گے، جبکہ پاکستان سے باہر موجود شائقین کے لیے میچز کی براہ راست نشریات پاکستان کرکٹ بورڈ (PCB) کے آفیشل یوٹیوب چینل پر دستیاب ہوں گی۔