ملتان کرکٹ اسٹیڈیم میں کھیلے گئے پہلے انڈر 17 ون ڈے میچ میں سری لنکا نے پاکستان کو 99 رنز سے شکست دے دی۔
سری لنکا انڈر 17 نے پہلے کھیلتے ہوئے مقررہ 50 اوورز میں 6 وکٹوں کے نقصان پر 239 رنز بنائے، جن میں میتھوکا گنارتنے کے 77 رنز نمایاں رہے۔
پاکستان کی جانب سے محمد احسان نے 43 رنز کے عوض 3 وکٹیں حاصل کیں۔
جواب میں پاکستان انڈر 17 کی پوری ٹیم 240 رنز کے تعاقب میں 39 اوورز میں 140 رنز بنا کر آؤٹ ہوگئی، جہاں محمد صائم 30 رنز کے ساتھ نمایاں بیٹر رہے۔
دونوں ٹیموں کے درمیان دوسرا ون ڈے میچ 17 اکتوبر کو ملتان میں کھیلا جائے گا۔