لاہور ہائیکورٹ نے مغلپورہ میں گاڑیاں جلانے کے مقدمے میں شاہ محمود قریشی سمیت 20 ملزمان کی بریت کے خلاف دائر درخواست پر سماعت کرتے ہوئے اسپیشل پراسیکیوٹر کو آئندہ سماعت پر دلائل پیش کرنے کی ہدایت کردی۔
جسٹس شہرام سرور چوہدری کی سربراہی میں لاہور ہائیکورٹ کے دو رکنی بنچ نے درخواست پر سماعت کی۔ دوران سماعت عدالت نے سرکاری وکیل سے کیس کے حوالے سے آئندہ سماعت پر تفصیلی دلائل طلب کرلیے۔
حکومت پنجاب کی جانب سے مغلپورہ میں گاڑیاں جلانے کے مقدمے میں ملزمان کی بریت کے فیصلے کو چیلنج کرتے ہوئے درخواست دائر کی گئی ہے، جس میں عدالت سے بریت کا فیصلہ کالعدم قرار دینے کی استدعا کی گئی ہے۔