بھارتی لڑکی ریپ کےبعدنظرآتش

 بھارت میں درندگی کاایک اوراندوہناک واقعہ  پیش آیاہےجس میں اجتماعی زیادتی کانشانہ بننےوالی لڑکی کوزندہ جلادیا گیا۔

بھارتی میڈیا کےمطابق  ریاست اترپردیش میں زیادتی کاشکار لڑکی کوجلا دیا گیا۔ جس کے باعث لڑکی کا 60 سے 60 فیصد جسم جھلس گیاہے،متاثرہ لڑکی کومارچ میں اناؤ کےعلاقےمیں اجتماعی زیادتی کا نشانہ بنایا گیا تھا۔

بھارتی میڈیاکےمطابق  23 سالہ متاثرہ لڑکی زیادتی کیس کی سماعت میں شرکت کے لئےعدالت جارہی تھی کہ کچھ افراد نےاسےجلا دیا، جس کے باعث لڑکی ساٹھ سےسترفیصدجھلس گئی،جسےاسپتال منتقل کردیاگیاہے۔

متاثرہ لڑکی کومارچ میں اناؤکےعلاقےمیں اجتماعی زیادتی کانشانہ بنایاگیاتھااورمتاثرہ لڑکی نےگاؤں کےبااثرافراد کیخلاف مقدمہ درج کروایا تھا۔

واضح رہےکہ گزشتہ ماہ بھی بھارتی ریاست اترپردیش میں 15 سالہ لڑکی کو مبینہ طور پر زیادتی کے بعد زندہ جلادیا گیا تھا اور مقامی پولیس نے زیادتی کرنے والے مجرم کو گرفتار کرلیا تھا۔

دوسری جانب   بھارتی ریاست تلنگانہ میں زیادتی کے بعد جلائی گئی لیڈی ڈاکٹر پریانکا ریڈی کی ہلاکت کے بعدبھارت میں ایک بار پھر خواتین پر تشدد اورریپ پر بحث چھڑ گئی ہے،جس کےبعد نیشنل کرائم ریکارڈزبیورونےانکشاف کیاتھاکہ بھارت میں ہر 15 منٹ میں ایک خاتون کا ریپ کیا جاتا ہے جبکہ خواتین پر تشدد، ریپ، تیزاب سے حملے، انہیں ہراساں کرنے سمیت دیگر صنفی تفریق کے واقعات میں اضافہ ہوا ہے۔

اس سے قبل مئی 2018 میں بھارتی ریاست جھاڑکنڈ میں لڑکی کےساتھ ہونے والی زیادتی کے بارے میں گاؤں کے سردار کو مطلع کرنے پر متاثرہ لڑکی کو زندہ جلا دیا گیا تھا۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.